国庆游南宁梧州 广州 -南宁 -梧州

第一天：

在广州自驾开车到南宁，大概要开7个多小时的车程。

为了可以早点到达南宁，我们准备了炒饭，婆婆包既粽等干粮，中途停车系有休息室的加油站开餐。

咁就可以节省左中途停车吃饭的时间了。按我地早上7：45开车，中途停过4、5次休息，而且高速公路上，车比较少，可能因为好少人选择去南宁旅游，所以系比较顺利的，下午3点半左右就到南宁市了。 

长公（啊公弟弟）一家系非常好客热情的，已经系高速公路出口等紧我地了。虽然落住毛毛细雨，不过都无减大家见面后的果种开心又兴奋既心情。

 第一晚我地系入住九龙东方酒店，当时为左拣边间酒店，都拣左好耐，又要新，又话要近五象广场，最后拣左呢间，不过其实都唔算好近五象广场，行路过去，都起码要15分钟。不过酒店系唔错的，好新好干净，而且入面系好多自动化既设备，价格适中，性价比高。不过我地只住一晚，因为酒店离长公屋企较远。第二日就会换酒店了。

安顿好住既地方后，我地就拜访长公屋企了。真系羡慕SI了，距地个个住既都系140方的屋，最细既一间都有120方，系广州，住咁大既屋要几百万了。况且系，买唔起啊。。。。。。睇来，南宁比较宜居了。可以考虑到南宁发展.

今日既惊喜真系不断，又或者系我大乡里了。因为我地今次系9个人一齐出发到南宁的，而长公屋企，大大少少都11人。+起身就20人了，吃饭既时候要分2围吃了。但点知，原来南宁基本上好多饭店都有大包间，一张台就可以坐晒我地20人，感觉好像领导在开会一样，一D都唔觉得逼。其实咁大既台，系广州我都有见过，但最特别既系，每个位置上都有个火锅电池炉，而且个转盘系自动架。南宁真的好自动化啊。。。

饭后我地逛左一阵五象广场，哈哈，离远居然就见到有一间广州友谊商店。五象广场呢边应该系算市中心了吧~商场酒店都比较多，广场也挺干净，今天我们也太累了，特别是司机，所以留影左几张，就返酒店休息了，结束了第一日的行程了。

第二天：

因为受台风天气的影响，呢几日既南宁间中都会落下雨，有时都几大添。

不过雨后既南宁，空气格外清新，而且一D都唔热，好舒服。

换好酒店后，就梗系要品尝下南宁的早茶啦。茶楼的点心品种拍得住广州，当然，我依然觉得广州的好味，不过都算唔错了，而且价格系比广州便好多的~抵啊~

饮饱吃醉后，开左大约半个多小时既车程，我地到左呢个别具特色既地方-依岭岩。

这景区不单单只是一个岩洞，系到岩洞之前，我地可以欣赏到山歌，跳足竿舞，挑挑柴“财”，品尝壮酒和壮族小吃，烧香拜佛。

以下呢个似狮子吗？

洞内有各种各样形形式式的动物、历史人物，至于系米真系米似，就见仁见智了。

行完整个岩洞，大约需要一个钟，差唔多行到洞口既时候，会有专人帮你拍照留念，当然，系做生意既一种手法。最后，我地个个都买左一张返去留念，一张15蚊，过塑2.5，即系17.5一张。我地买左4张，咁就70蚊了。

出左洞口，就基本系游完整个依岭山寨了。

开车返出去既时候，经过一个地方，感觉好有意境的，但其实我都唔知系咩地方来既

咁样就系南宁过左两日啦

第三天：

同长公距地一家饮完早茶，就开始出发去我地下一个目的地--梧州。

距地一家人真系非常好客，来既时候系出高速既地方接我地，离开南宁既时候，又送我地到高速，距地真系太热情了~

南宁呢个地方，我地一定会再来既，下次会计划去埋越南下龙湾。

系南宁开车去梧州大概要3、4个钟，我地去到边，D雨就似乎要跟到边，真系晕低啊~

大约下午4点半，就到达我地系梧州入住既酒店--凯莱大酒店。酒店系新开的，好干净，而且房间配套齐全，因为有电脑啊，哈哈~

更唔错既系，原来舅父有客户系梧州，晚上就由呢个地道既梧州人带我地去吃梧州农家菜，饭后开车游览左梧州出名既骑楼区，仲到左呢个梧州人既豪宅参观，其实距间屋就唔系话真系好大，不过距既空中花园真系超级正啊，可惜当时系晚上，影左几张相都系黑mama既，所以就唔上传了。不过真系大开眼界了。最后我地品尝左梧州出名既龟苓膏，但我觉得同广州果D都系差唔多遮。三天既旅程，系梧州留宿既呢个晚上系最充实的，起码夜晚系无落雨既，可以出去游览下梧州既晚上。

虽然系出外旅游，但呢几日都无改变系广州饮早餐既习惯，一早起身，就系酒店的酒楼饮茶，梧州既粉好好味，临走既时候，仲去左市场买左2斤粉，同一大包支竹返去慢慢叹。

离开梧州，到最后一站肇兴。早上饮完茶后，就一直开车，直到下午3点左右到肇兴先又吃过，都系饮茶，哈哈~无办法了，一家大细，老人家都系比较中意饮茶。

饮饱吃醉后，梗系要系肇兴七星岩牌坊留影返张相啦，哈哈~

听啊MA讲，我好像系未去过肇兴的，今次系第一次。O(∩_∩)O~

因为晚上要赶返广州庆祝姨婆90岁大寿，所以影完合照就开车返去了。

四日三夜既国庆旅程就咁就结束了。出外旅游，除左可以见识到唔同地方的风俗文化外，最开心莫过于系一家人一齐出游。就算旅程简单乏味，都觉得好满足。我好开心，因为我生活系一个好有爱既家中。