第一日：搭机前往厦门 南普陀寺 -厦大 -曾厝垵

机票同住房都系携程搞掂，携程有团购住房，上面写明话只要团购咗就一定有房，我地出发噶日期好多人去，好多酒店都FULL晒，睇到两间酒店刚刚好一日系厦门一日系鼓浪屿，我地就团咗。

系出发噶一个星期，我地都有留意厦门当地噶天气，日日都落雨？

幸好，后来睇咗我地出发噶时候，当日天气晴朗，炎热，天公作美。oye，好黑皮。但系第二日晚黑话会落雨哦，唔紧要，为咗预防万一，我地买咗雨衣，落狗屎都唔洗怕怕！

我地系坐最早噶一班机去厦门滴，7：55分噶飞机，因为唔熟，所以一大早就坐机场大巴出发，4点多就起身啦！前一晚尽量早D上床觉觉猪，希望第二日有精神玩呢！

话说，去到安检噶时候，有件搞笑嘢发生，就系本来打算做早餐噶牛奶，系BUS度冇饮，然后忘记咗，安检噶时候话我有两樽奶奶唔畀我入去住，要饮晒先畀我入，我噶人在囧途之牛奶篇，居然冇影相，哈哈

我地今次噶旅程，除咗我地两人外，仲有一个伴侣哟～

duffy：“我系空中啦？”

咔咔，duffy仔太cute啦。。。

经过一个钟噶等待我地终于要登机坐飞机前往厦门

落机之后，我地先摞咗攻略上面讲噶手绘地图先再离开机场，乘坐10蚊机场巴士奔向市中心，半个钟之后我地就到达目的地轮渡落车，摞住我地噶攻略寻找美食，先吃饱再继续行。台湾小吃街我地系误打误撞去到滴，个度有好多嘢吃哦，啥都有就睇你中意吃咩噜！

但系台湾酱爆玉子烧美食攻略系冇滴，但系睇到个样好似好好味咁，我地就去尝试一下，果然冇令我地失望，果然呵呵味。画册有图图，可以去瞄下，咔咔，一个招牌玉子烧好似系13定15蚊左右吧，肉丸子好似系10蚊，忘记啦，反正去到噶话可以试下哟！

话说中山路有嘢好吃，所以我地睇住张手绘地图就揾路啦，行咗一段路就揾到啦，都几好揾滴地方。

见到黄则和好多人排队买嘢吃，我地都唔执输入去买花生汤吃。

duffy：“我唔客气啦！”

我地为咗唔会荡失路，系中山路行去轮渡站噶路上买咗一张当地噶详细地图，地图上边都系写10蚊滴，街边噶小贩都系按照个个价钱卖，所以冇得讲价。

我地住噶地方系曾厝垵，所以吃完嘢，我地就揾车站去目的地，系轮渡站有两部车去曾厝安，29路同112路，轮渡码头好多人出入鼓浪屿，前往曾厝垵噶都好多人哦，我地好好睬，一上车就有位坐，唔至于企足10几个站。

曾厝垵好多嘢睇，中意小饰品噶我地间间都入去睇噶，好有多靓嘢，好中意哦！哈哈

系自杀一条街有好多影相噶地方，大家都排晒队影相滴，哈哈，我地都唔例外哟！

duffy：“我够囧咩？”

duffy：“缘分，我噶缘分系边呀！？”




厦大噶话，我地星期五去下昼两点到五点系禁止入内（平时噶话应该都一样），星期六日噶话应该其他时间都可以入去滴，但系都有好多人排队入去参观，入去学校里面噶话要出示身份证噶哦。

系排队噶途中，会见到有人卖厦大噶地图，我地当然都唔执输，买咗个四合一噶地图，有曾厝垵、厦大、思明区、鼓浪屿噶地图，里面附送四张明信片，15蚊其实价钱都唔会太贵，不过就唔多详细，但系鼓浪屿噶地图系好详细噶，我地怕系鼓浪屿荡失路，所以为咗预防万一都系买咗。

duffy：“爬得真辛苦，哈哈。。。”

duffy：“唔，姐姐锡锡，‘哥哥’冇份，咔咔。”