第三日：返广州噜 鼓浪屿 -地铁公园

前一晚鼓浪屿果然落雨到第二日朝早都一直系度落雨，本来打算最后一日系去日光岩睇日出，一来前一晚好夜先训，二来外面落雨冇日出睇，所以就放弃咗噜！

duffy：唔，我地下昼去噶地方系边噶？

小猫咪都卖萌

研究完地图，我地就出去搵早餐吃，行到三一堂开门，我地就入去瞄咗下

duffy：“闽南圣诗，睇下里面系咩嚟噶先。”

duffy：“ohoh，咁样噶。。。”

、

系三一堂“祈祷”完毕之后，我地又去咗小白宫，然后吃完嘢之后我地就同鼓浪屿say good bye噜

跟住我地就前往下一个目的地，地铁公园。

地铁公园真系唔系好多人知道佢系边，落咗船之后，本来我地打算坐车，但系系轮渡噶话都系坐一个站系和平码头落车，我地见只系一个站，而且怕好似之前系曾厝垵咁发生噶错误，所以就决定行路去，系和平码头撞见唔知道系警察定系保安，问咗佢大概噶方向之后，开始佢未反应过嚟，我地摞出地图畀佢睇，佢马上就话一直向前行，行到见到一条桥就系演武大桥然后过马路，再向前小小行就会见到，咁啱就系路中间噶一条绿荫。

我地去噶时候系阴天，因为一直都想落雨，冇阳光感觉有D失望，冇想象中噶个种好有FEEL噶地方，唔知道系我地冇行到底定系点样啦，反正一条所谓噶铁路中间居然有地砖，搞到冇晒FEEL，但都系个度影咗D相。

旅程到此就宣布结束，希望下次仲有机会去其他厦门噶地方啦。。。虽然已经好悠闲，但系都行到好攰欸，下次都系带少D嘢，可带噶就带，唔需要噶都唔好带噜。